Selena Gomez waxay caan ku noqotay iyadoo da’yar ah kanaalka Barney iyo Disney Channel.
Haddana, dad badan ayaa magaceeda xusa sababtoo ah waa bilyaneer ay qayb kamid ah ku kasbatay codkeeda.
Selena ayaa lagu soo warramayaa inay ku biirtay bilyaneerrada dunida iyada oo waliba ah da’yar, waxa ay uga mahadcelisay guulaha ay ka gaartay jilliinka, mataladda iyo hal-abuurka ganacsi.
Sida laga soo xigtay Bloomberg, Selena Gomez oo 32-sano jir ah kuna caan baxday atariishonimada iyo heesaha ayaa ku jirtay liiska bilyaneerrada caanka ah dhawaanahanba, iyada oo hantideeda lagu qiyaasay $ 1.3 bilyan.
Mar uu telefishinku sharraxaad ka bixinayey halka ay ka heshay hantidan faraha badan, ayaa lagu sheegay inay la xiriirto shirkadda soo saarta waxyaabaha la isku qurxiyo ee ay aas-aastay shan sano ka hor.
Shirkaddan ayaa sidoo kale heshay 1 bilyan oo saamiyo ah, sida lagu qiyaasay majaladda.
